Անցած գիշեր ռուսական բանակը «Շահեդներով» հարվածել է Ուկրաինային։ Օդեսայում հրդեհներ են բռնկվել, կա զոհ, 14-ը՝ վիրավորվել։ Խարկովում տուժածների թվում երեխաներ կան, հայտնում են տեղական իշխանությունները։
Ուկրաինայի արտակարգ իրավիճակների պետական ծառայությունը հայտնում է, որ Օդեսայի վրա ռուսական անօդաչու թռչող սարքերի հարձակման հետևանքով քաղաքում բռնկվել են խոշոր հրդեհներ։ 14 մարդ վիրավորվել է, այդ թվում՝ երեք փրկարար։ Ավելի ուշ Օդեսայի մարզային դատախազությունը հայտնել է մեկ զոհի մասին։
Արտակարգ իրավիճակների անօդաչու թռչող սարքերից մեկը բախվել է 23 հարկանի բնակելի շենքի։ Փրկարարները 600 մարդու են տարհանել այրվող բազմահարկ շենքից։
Օդեսայի քաղաքապետ Գենադի Տրուխանովը հրապարակել է ավերածությունների լուսանկարներ՝ նշելո, որ վնասվել են քաղաքի կենտրոնում գտնվող մի քանի բազմահարկ շենքեր, մեկ ավտոմեքենա, ինչպես նաև բարձրագույն ուսումնական հաստատության շենք։ Նրա խոսքով՝ Օդեսայում ԱԹՍ հարվածի հետևանքով վնասվել են նաև գազատարը և ծովափին գտնվող «հանգստի օբյեկտները»։
Խարկովում տեղական իշխանությունները հայտնում են անօդաչու թռչող սարքի հարվածի հետևանքով երեք զոհի մասին։